A Deputación da Coruña financia con 60.000 euros un cortacéspede para Mazaricos

Sinatura do convenio

O presidente da Deputación da Coruña, Diego Calvo, asinou esta mañá co alcalde de Mazaricos, José Manuel Santos, o convenio de colaboración entre a institución provincial e o municipio para financiar a adquisición dun tractor cortacéspede neste municipio

A axuda provincial aprobada no convenio é de 60.000 euros, o que supón o financiamento do 80% do orzamento total necesario para adquirir a nova maquinaria, que ascende a 75.000 euros.

Este tractor, entre outros usos, permitirá realizar os traballos de mantemento do campo de fútbol do municipio, así como a limpeza das áreas verdes públicas do municipio.

Tras a sinatura do convenio, o alcalde de Mazaricos agradeceu a colaboración da Deputación da Coruña para a adquisición do novo tractor porque “é moi necesario renovar o que temos”.