A biblioteca de Baiona celebra o Día Internacional do Libro

Como cada ano a biblioteca municipal únese ás múltiples actividades que se celebrarán mañá, martes 23 de abril, con motivo do día Internacional do libro.

Nesta ocasión, e por segundo ano consecutivo, a Biblioteca organizou un concurso de marcapáxinas cuxos resultados se darán a coñecer mañá ás 19:30. Posteriormente, procederase á entrega de premios aos gañadores deste.

Con anterioridade, ás 18:45 horas, a biblioteca acollerá unha sesión de cuentacuentos. Ao longo da semana tamén se realizarán visitas de escolares ás instalacións e diversas actividades dirixidas a fomentar o hábito da lectura nos máis pequenos.