Visita “amodiño” en Lugo

Grupo de participantes

Un grupo de case 50 persoas dependentes, con EVO, problemas de mobilidade e os seus coidadores pasaron onte un día “diferente” en Lugo.

Pola maña visitaron o parque zoolóxico de Marcelle natureza, onde puideron ver os animais procedentes de centros de recuperación, centros de rescate e outros zoos nun entorno  natural. O tempo acompañou polo que pasaron toda a maña disfrutando da visita “amodiño”.

Despois do xantar visitaron a cidade de Lugo, visitando a muralla e a catedral entre outros para logo retornar a Dodro despois de rematar o día.