Vilagarcía aproveita o Día do Pai para educar nos valores de igualdade e corresponsabilidade

Os escolares do municipio viviron a festividade do Día do Pai nos centros educativos traballando os valores de igualdade e corresponsabilidade a través da campaña que con motivo desta festividade volveu a poñer en marcha a Área de Igualdade do Concello. Os alumnos de Infantil e Primaria dos colexios do municipio traballaron esta mañá coas tarxetas distribuídas polo Concello para que, ademais de felicitar aos seus pais, aprenderan en trasladasen aos seus proxenitores a idea da corresponsabilidade e a igualdade no ámbito familiar.

A Área que dirixe Ángeles Rodríguez editou 1.900 tarxetas de dous modelos que se distribuíron entre os colexios. En ámbolos dous casos utilízase o exemplo de pasar o ferro como unha actividade neutra, libre de esterotipos sexistas. As tarxetas están adaptadas ás idades dos nenos e nenas. As que se distribuíron aos alumnos de Infantil baséanse en debuxos para colorear, mentres que as dedicadas aos nenos e primeiro e segundo curso de Primaria estrutúranse como unha sinxela papeleta de instrucións polo anverso, mentres que polo reverso os nenos poden dedicarlle unha dedicatoria aos seus pais xa que, tanto nun caso como no outro, a intención é que os nenos as leven para casa e que llas entreguen aos seus pais a modo de felicitación.

Deste xeito, a Área de Igualdade pretende que os nenos vaian interiorizando xa dende cativos os valores de igualdade e corresponsabilidade e que sexan eles os vehículos que os trasladalen ás súas respectivas familias