Restriccións ao tráfico rodado durante a Semana Santa de Ferrol

A Xefatura de Policía Local de Ferrol informa das restricións circulatorias previstas para mañá mércores 27 e o xoves 28, por motivo das celebracións da Semana Santa Ferrolá. As procesións de mañá serán a do “Cristo dos Navegantes” e da “Nosa Señora dos Cautivos e do Santísimo Cristo Redentor” ás 19.30 horas; do “Cristo do Perdón e María Santísima dos Desamparados” ás 21.00 horas; e a da “Penitencia” que dará comezo ás 21.30 horas. O xoves 28 comezará coa procesión das “Sete palabras de Xesús na Cruz” ás 00 horas; da “Pontificia, Real e Ilustre Confraría da Nosa Señora das Angustias” para as 19.30 horas; e rematará coa do “Cristo da Misericordia e María Santísima da Piedade” ás 23.00 horas.

A prohibición de estacionamento mañá mércores e o xoves 28 afectará ás seguintes vías:

– Rúa Espartero, entre as rúas Merced e a estrada Alta do Porto.

– Rúa San Francisco.

– Praza de Amboage.

– Rúa Sánchez Barcaiztegui, entre as rúas Real e Magdalena.

– Rúa Coruña, entre rúa Real e rúa Magdalena.

– Rúa Magdalena, entre rúa Arce e rúa Rubalcava.

– Rúa Terra, entre rúa Dolores e Magdalena.

– Rúa Real, entre rúa San Diego e rúa Méndez Núñez e Praza de Armas.

– Paseo Pablo Iglesias e Paseo das Angustias.

– Rúa San Amaro.

– Rúa Lugo, entre Praza do Callao e rúa Real.