Recibimento ás gañadoras do Campionato de España de Ximnasia Rítmica

Recepción ás ximnastas

O concelleiro de Deportes, Francisco Mourelo, acudiu á recepción que o Concello da Coruña realizou ás ximnastas do Santiago Apóstolo. As súas integrantes resultaron campioas de España na modalidade adaptada absoluta de habilidades deportivas por conxuntos dentro do XIX Campionato de España de Ximnasia Rítmica para persoas con minusvalidez intelectual FEDDI 2013 que se celebrou, a mediados de mes, en Elche. Seis das ximnastas obtiveron este recoñecemento. Ademais, varias delas competiron en categoría individual. Á recepción acudiron tanto as ximnastas coma as adestradoras e voluntarias do equipo.