Pleno extraordinario no Concello de Tomiño

O Concello de Tomiño celebrará mañá, xoves 21 de marzo ás 14.00 horas, sesión extraordinaria de pleno coa finalidade de aprobar a documentación e permisos relativos á obra da nova escola infantil que se construirá en Goián (na antiga casa médica sita nesa parroquia), coa xestión do Consorcio Galego de de Servizos de Igualdade e Benestar, no marco do Plan Educa3, do Ministerio de Educación.

A nova escola infantil terá 61 prazas dispoñibles para nenos e nenas de 0 a 3 anos de toda a localidade.

As novas prazas virán a sumarse ás 46 xa existentes na Escola Infantil de Tomiño, co que o concello disporá dun total superior ás 100 prazas.

A obra ten un orzamento de 610.000 euros, aportando o Concello o 40% do investimento.