O servizo de reparación de viarios de Ferrol actúa nas rúas do centro

Tarefas de mellora

Os operarios do servizo de Reparacións, Obras e Mantemento de viarios do Concello de Ferrol, que corre a cargo da empresa “Misturas S.A”,  traballan dende o pasado luns no arranxo de baldosas das rúas do barrio da Magdalena. Estas tarefas coinciden co desenvolvemento do Plan de Barrios no centro histórico da cidade, e foron programadas, ademais, tendo en contra a próxima celebración dos pasos procesionais da Semana Santa.

En concreto, na xornada de hoxe, as brigadas da firma adxudicataria do servizo de conservación de viarios realizan tarefas de reparación de calzadas na rúa Dolores.