O parque infantil Luís Seoane permanecerá pechado ata o mércores

O parque infantil situado na zona verde Luís Seoane de Santa Cruz permanecerá pechado ata o mércores día 6 debido a un estudo xeotécnico que se leva a cabo nesta zona. Estes traballos forman parte do proxecto de construción do depósito de tormentas que se instalará na localidade. O depósito de tormentas é unha infraestrutura que permitirá mellorar o rendemento da rede de saneamento e evitar vertidos puntuais os días de tormenta. O parque infantil recuperará a súa actividade normal desde primeira hora do mércores.