O Concello de Cangas inicia a campaña de limpeza de praias

O Concello de Cangas inicia desde onte, a través das concellerías de Praias e Servizos, o dispositivo municipal de limpeza de praias para garantir o seu bó estado de cara á Semana Santa.

As labores consistirán na limpeza diaria  dos areais co tractor limpapraias para seguidamente  proceder á manual cun grupo de 3 operarios que darán apoio naqueles tramos de difícil acceso, a fin de mantelos en condicións óptimas para o seu uso.

Neste sentido, e a pesar  do pronóstico de mal tempo para os vindeiros días, os traballos comezaron onte na praia de San Cibrán seguindo hoxe na de Rodeira e posteriormente continuar nas de Areamilla, Liméns, Nerga, etc…

Tanto na praia de San Cibrán como na de Rodeira se colocaron sendos colectores para o acopio de residuos eliminados polo  tractor e brigada,  que serán retirados tan pronto como a limpeza quede finalizada. Estímase que o colector de San Cibran sexa retirado hoxe e o de Rodeira mañán.