O Concello acondicionará o corredor existente entre as rúas Ribeira Sacra e Fragas do Eume

O Concello da Coruña, a través da área de Infraestructuras, informa de que levará a cabo o proxecto de acondicionamento e mellora do espazo existente entre as rúas Ribeira Sacra e Fragas do Eume, no barrio de Novo Mesoiro. O Tenente de Alcalde de Medio, Territorio e Infraestruturas, Martín Fernández Prado, acompañado das concelleiras de barrio Susana Pazo e Carmen Hervada, reuniuse con representantes da Asociación de Veciños de Novo Mesoiro e cos presidentes das comunidades de propietarios para abordar a solución para o corredor e dar resposta a unha demanda veciñal.

A área de Infraestructuras levará a cabo un proxecto consensuado e do agrado dos veciños para axeitar e humanizar ese espazo. Para iso, os veciños cederán o uso do chan ao concello, requisito imprescindible para que este puidese executar os traballos. Este corredor é de propiedade privada e as parcelas corresponden aos edificios lindantes. Tras a cesión dos terreos, o Concello creará un espazo público de esparexemento e posterior acondicionamento do corredor e a creación de viais que permitiría unir as rúas Ribeira Sacra e Fragas do Eume.