O alcalde recibe á nova directiva da sociedade cultural e recreativa “A Pombiña” de Pedroso

Instante da reunión

O Alcalde de Narón, José Manuel Blanco, recibíu onte á nova directiva da Sociedade Cultural e Recreativa “A Pombiña” de Pedroso, recentemente constituída e formada por primeira vez integramente por mulleres. Nesta audiencia tamén participou o Concelleiro de Cultura de Narón, Guillermo Sánchez Fojo.

As novas integrantes son: Ana Belén García Torrente (presidenta), Mª Elena Gil García (vicepresidenta) e Montserrat Duro Piñón (secretaria). Segundo explicaron ó rexedor municipal, a intención desta nova directiva e continuar co programa de actividades, festas e cultura que se leva a cabo nesta asociación, que ten máis de 40 anos de antigüedade e da que forman parte na actualidade máis de 410 socios/as.

O Concello de Narón mantén unha estreita colaboración coa SCR “A Pombiña” a través da Mostra de Teatro Aficionado que promove o Padroado de Cultura nesta parroquia, a través da cal se representa unha obra cada fin de semana durante un mes do ano.