O alcalde de Ferrol visitou esta mañá o Colexio de Educación Infantil e Primaria Recimil

Rey Varela xunto aos escolares

O alcalde de Ferrol, Jose Manuel Rey Varela, visitou hoxe o CEIP Recimil. O primeiro edil, convidado pola dirección do centro, visitou as aulas dos nenos/as de tres anos que están matriculados neste centro público. Ademais, os alumnos e alumnas de 3º, 4º, 5º e 6º de primaria tamén tiveron a oportunidade de conversar có primeiro edil ferrolán.

No encontro cos estudantes do ciclo de Primaria, que tivo lugar no ximnasio do centro escolar, Rey Varela contou aos alumnos e alumnas as experiencias do seu paso polo centro. Ademais, o rexedor respondeu a tódalas preguntas que os nenos e nenas formularon; algunhas delas foron se era un bo estudante ou se quería ser alcalde dende pequeno.