O alcalde asistirá á presentación da madriña da rondalla local Lucero del Alba

O alcalde de Neda, Ignacio Cabezón, xunto cunha ampla representación da corporación asistirá á presentación da madriña da Agrupación Artística Lucero del Alba. Laura López Castro será a protagonista este sábado, 9 de marzo, nun acto que principiará ás 19,30 horas na Casa da Cultura. Toda a veciñanza está invitada a participar e acompañar á rondalla local que, no 2010, recibía a Medalla de Ouro de Neda, a máxima distinción institucional na localidade. O acto está organizado por Lucero del Alba, que deleitará aos asistentes coas súas cancións, así como o dúo de acordeonistas “As Dúas”.