Nova xornada da Liga Municipal de Judo

O próximo sábado 2 de marzo ás 10.00 horas no pavillón Municipal de Canide, terá lugar a celebración da segunda xornada da liga escolar de Judo de Oleiros para as categorías sub 11 e sub 13, e que se celebra por equipos. A seguinte e derradeira xornada está prevista para o día 23 de marzo, tamén en Canide. Ademais ese día realizarase a entrega final de medallas e trofeos aos judokas participantes. Esta liga vai dirixida fundamentalmente a todos aqueles rapaces que practican judo nas casas do pobo do concello, pero que teñen a oportunidade de coñecer e medirse con outros judokas de centros educativos e clubs da comarca da Coruña, o cal nutre e enriquece enormemente estes encontros. O obxectivos desta iniciativa son promover e diversificar a actividade deportiva en idade escolar a través do Judo, e en concreto apostar pola dinamización desta actividade nas casas do pobo do Concello. Así mesmo, o programa pretende fomentar os deportes de loita corporal como medio de desenvolvemento motriz e coordinativo dos nosos escolares, e como xa dixemos, fomentar a convivencia entre practicantes de distintas localidades
do noso concello e da comarca.