Liño Braxe presenta “A delgada liña boba” no Fórum Metropolitano

A Concellaría de Cultura informa de que mañá, venres 8 de marzo, o Fórum Metropolitano acolle a representación da obra A delgada liña boba, dentro do ciclo Sen Numerar.

A compañía galega Bucanero presenta esta obra escrita e dirixida por Lino Braxe na que partindo dos tópicos do cine bélico, dos seus argumentos, diálogos e bandas sonoras, o autor constrúe un espazo para o humor e a crítica. O talento dos intérpretes Pedro Picos e Xosé Bonome ponse ao servizo desta historia de Lino Braxe.

A delgada liña boba é o primeiro espectáculo do ciclo Sen Numerar Primavera 2013. A representación será no auditorio do Fórum ás 20.30 horas. O prezo das entradas é de 9 euros, aínda que con descontos de dous euros para maiores de 65 anos, desempregados e persoas con carné novo.