“La Moneta” ofrecerá no teatro Jofre de Ferrol o seu espectáculo “Extremo Jondo”

Fuensanta Fresneda Gelera, coñecida como “La Moneta” subirá ao escenario do Teatro Jofre o vindeiro sábado, día 16 de marzo. A función comezará ás 20:30 horas e no mesmo a bailadora de flamenco presentará ao público o seu espectáculo “Extremo Jondo”.

Ademais, a granadina non estará soa, será acompañada no escenario  polo guitarrista Miguel Iglesias, o cantante de flamenco jerezano Miguel Lavi e o percusionista Miguel “el Cheyenne”. O guión, firmado pola bailaora e coreógrafa, consta de nove bailes diferentes, entre eles, romance, tangos, alegrías e montañesas. As entradas poden ser adquiridas a través de internet, na páxina web oficial do Concello de Ferrol: www.ferrol.es (no apartado de Axenda Cultural); e no propio  despacho do teatro municipal.

O crítico Jorge Fernández Bustos escribiu sobre a obra “ ningunha falacia esconde esta obra onde “La Moneta” mostrase jonda e extrema. Jonda porque destila flamencura polos catro costados; extrema por se exprimir ata a saciedade, rozando beiras inexploradas, aínda que o faga todo tan fácil como un paseo dominical”.