Fene pasa a ser sede de cursos da Red Xiana

A Deputación da Coruña vai desenvolver en colaboración co CONCELLO DE  FENE, accións formativas dirixidas a persoas desempregadas dos concellos de FENE, ARES, MUGARDOS, NARÓN, NEDA, SAN SADURNIÑO e VALDOVIÑO.

A formación enmárcase no proxecto RedeXiana2 (Xestión Integral, Accesibilidade, Novas Tecnoloxías e Adaptabilidade no mercado laboral galego), cofinanciado pola entidade provincial e o Fondo Social Europeo.

FENE achega as súas instalacións municipais para a impartición da acción formativa na especialidade de  MONTADOR DE ESTRUCTURAS METÁLICAS.

As persoas participantes formarán parte dos itinerarios formativos e de inserción laboral previstos no proxecto, a través dos cales poderán recibir a formación adecuada ás súas necesidades formativas e a orientación e titorización individualizda e de xeito permanente ao longo de todo o itinerario. A convocatoria e o prazo de inscrición daranse a coñecer en próximas datas.

O obxectivo final consiste nunha maior profesionalización das persoas desempregadas e a súa inserción no mercado laboral en termos de calidade e responsabilidade social, en virtude do Pacto Provincial polo Emprego Responsable na provincia da Coruña, asinado polos 91 concellos da provincia de menos de 50.000 habitantes que participan no proxecto RedeXiana2.