Encontro cos representantes dos traballadores da Fábrica de Armas

Negreira cos representantes

O alcalde da Coruña, Carlos Negreira, e o voceiro municipal, Julio Flores, mantiveron un encontro con José Carrillo e Roberto Teijido, representantes dos traballadores da Fábrica de Armas da Coruña. Unha vez máis, o alcalde reiterou o seu apoio aos traballadores e demandou para a factoría coruñesa o mesmo trato que están a recibir as de Murcia e Palencia. Neste sentido, Negreira manifestou que dende o Goberno municipal se segue traballando para que General Dynamics amplíe o prazo para buscar alternativas ao peche con outros socios e así manter o emprego industrial na cidade e na bisbarra.