Desviación da circulación por obras en Orillamar

A Concellaría de Tráfico informa de que mañá mércores 7 e o xoves 8 de marzo, con motivo da reposición de pavimentos e pluviais en Orillamar, se desviará a circulación no tramo comprendido entre a prolongación da rúa Miguel Servet e a rúa Rafael Baixeiras (pola zona de estacionamento situada na marxe dereita da rúa). Será necesario o corte da prolongación da rúa Miguel Servet, desviándose o tráfico pola rúa Tuy. A duración estimada das obras é de dous días, en horario nocturno de 23.30 horas a 7.00 horas, iniciándose ás 23.30 horas do xoves 7 marzo ata as 7.00 horas do venres 8, en idéntico horario na noite do venres ata o sábado 9.

Así mesmo, con motivo das obras de realización dun cruzamento cunha canalización de telecomunicacións en rúa Ramón e Cajal, coa rúa Alcalde Marchesi, cortarase un carril de circulación na confluencia nas citadas rúas:

– 7 e 8 de marzo. Realizarase a canalización na rúa Ramón e Cajal nos carrís de entrada á cidade. Manterase un carril de circulación aberto ao tráfico.
– 11 e 12 de marzo. Realizarase a canalización na rúa Ramón e Cajal nos carrís de saída da cidade. Manterase un carril de circulación aberto ao tráfico.
– 13 de marzo. Procederase ao pintado do paso de peóns afectado, mantendo un carril de circulación aberto ao tráfico.

A incidencia será de 8 a 19 horas, quedando a calzada libre fóra dese horario, xa que se taparán as gabias con pranchas.