Declaración institucional dos grupos politicos municipais con motivo do Día Internacional da Muller

Na sesión ordinaria do pleno de 19.02.2013 acordouse por unanimidade, con motivo da celebración do Día Internacional da Muller traballadora, refundir as mocións presentadas por ambos grupos políticos (PP e PSOE) nese pleno ordinario e chegar a un consenso para presentar unha declaración conxunta o día 8 de marzo, día Internacional da Muller, que se expresa nos seguintes termos:

Os voceiros dos Grupos Políticos do Concello de Miño, Partido Popular e Partido Socialista Obreiro Español,  fan a seguinte

DECLARACIÓN INSTITUCIONAL:

“Con motivo do 8 de Marzo, Día Internacional da Muller, nun momento complexo e dificil queremos valorar o importante impulso da igualdade durante os últimos anos na nosa sociedade, o que permitíu incrementar a presenza de mulleres en todos os ámbitos, aportando un potencial fundamental para o desenvolvemento social, económico, político e democrático do noso pais.

Debemos reivindicar a inxente labor que desenvolven milleiros de mulleres que contribuen co seu traballo á loita polo recoñecemento e a defensa dos dereitos das mulleres, que foron abrindo o dificil camiño cara a unha verdadeira igualdade.

Grazas a este gran esforzo colectivo das mulleres do pasado e do presente, foronse conseguindo grandes avances, pero todavía queda moito camiño por percorrer. E é neste propósito, no que o Concello de Miño mantén mais que nunca o seu compromiso coa muller, coa igualdade, coa libertade e coa democracia.

A presenza das mulleres no emprego e no mercado de traballo debe ser impulsada para garantir a igualdade no acceso e no salario, conscientes de que esta igualdade é imprescindible para relanzar a nosa economía. Apoiamos as iniciativas emprendedoras das mulleres; comprometéndonos na loita contra todas as formas de abuso, ataque á dignidade e á liberdade das mulleres e, en especial, á trata de seres humanos con fins de explotación sexual, e á continuar traballando polos dereitos das mulleres, incluindo o dereito a elixir sobre todo o que afecte a súa saúde sexual e reproductiva.

O compromiso coas políticas que garantan o dereito á conciliación da vida profesional, familiar e persoal de homes e mulleres debe plasmarse en medidas que promovan a flexibilidade dos horarios dacordo as necesidades de conciliación das persoas complementadas con recursos sociais e educativos accesibles a todos.

Apostamos por unha cidadania comprometida e dende a nosa responsabilidade política ao frente do Concello de Miño continuaremos co noso traballo con e para a muller, con axudas ao emprego, á conciliación e contra a violencia de xénero.

Polo anteriormente exposto, os Grupos Políticos Municipais  acordan:

1. Impulsar dende todas as administracións aquelas medidas necesarias para acadar o obxectivo de Igualdade, contribuindo a unha sociedade mais xusta, solidaria e igualitaria.
2. Solicitar ao Goberno do Estado e ao Goberno da Xunta de Galicia para que continuen impulsando o cumprimento da Lei para a Igualdade efectiva de mulleres e homes, a promoción de políticas que permitan a corresponsabilidade na vida laboral e familiar de homes e mulleres, o desenvolvento de Programas de apoio empresarial a mulleres e a promoción do autoemprego.
3. Solicitar as administracións autonómica e estatal a promoción dos Plans de Igualdade nas administracións locais e empresas e impulsar a transversalidade de xénero no eido local.
4. O impulso de políticas e servizos para garantir o dereito das mulleres a decidir sobre a súa saúde sexual e reprodutiva e para previr a violencia de xénero, así como o apoio ás mulleres que a sofren
5. Buscar a implicación de toda a sociedade civil para que se reconozan os dereitos da muller, e para facer da igualdade de oportunidades unha realidade.
6. Dar traslado deste acordo ao presidente do Goberno e ao presidente da Xunta de Galicia.
7. Facer pública esta declaración para toda a cidadanía de Miño, expresando así a intención de facer realidade o seu contido”.