Cedeira celebra o II Trofeo de Karate coa participación de 300 karatekas de toda Galicia

Positiva resposta ao Trofeo de Cedeira de Kárate dos clubs da Comunidade galega. Uns 300 karatekas, procedentes de 20 entidades de toda Galicia, participará no evento este sábado, 23 de marzo. Neste, tamén destaca a presenza de deportistas locais, co concurso de ata 36 karatekas, todos eles moi novos, xa que ningún alcanzou a maioría de idade.

Organizado pola Escola de Karate Cedeira coa colaboración do Concello e a Federación Galega, a competición arrancará ás catro e media da tarde, no Pavillón Polideportivo Municipal. E, a entrada para asistir a un auténtico espectáculo de, destreza e habilidades sobre o tatami, é libre e gratuíta.

Os participantes poderán competir nas modalidades de kumite (combate) e kata (formas), nas seis categorías previstas (benxamín, cría, infantil, cadete, xuvenil e júnior). Así mesmo, haberá trofeos e medallas para os primeiros clasificados, en categoría masculina e feminina. Por último, os organizadores animan a cidadanía a asistir ao evento.