Castrelo de Miño acudirá á Feira Xantar coas festas gastronómicas e as adegas

O concello de Castrelo de Miño acudirá á feira Xantar que se celebra en Expourense entre o 6 e o 10 de marzo.

Cun stand promocional propio promocionará as principais festas gastronómicas de Castrelo de Miño, con degustacións gratuitas ás 12:30 horas dos produtos de Castrelo de Miño, maridados cos viños do Ribeiro das adegas de Castrelo de Miño.

– Así o mércores 6 será o día da Festa da Anguía de Barral

– O venres 8 a festa da Codorniz de Cortiñas

– O sábado 9 a festa do Xarrete de Macendo, e 

– O domingo 10 a festa da Rosquilla das Bouzas.

Cada un destes días haberá unha degustación dos produtos elaborados polas propias comisións de festas que colaboran activamente co concello neste evento promocional.

E todo isto, maridado cos viños de 12 adegas do Ribeiro de Castrelo de Miño.

Este ano 2103 será a segunda ocasión na que asista con este formato o concello de Castrelo de Miño, visto o éxito acadado o pasado ano 2102. As adegas e as comisións de festas consideraron que este é un evento promocional que axuda á difusión das festas gastronómicas e dos viños das adegas de Castrelo de Miño.