Campaña sobre a utilización do cinto de seguridade

A semana pasada a policía local de Cambre participou na campaña nacional organizada pola DGT de control sobre a utilización do cinto de seguridade e outros sistemas de retención homologados, levada a cabo entre o 11 e o 17 de marzo de 2013.

Os controis realizáronse en núcleos urbanos controlando 591 vehículos, resultando denunciados 1 condutor e 1 pasaxeiro por non utilizar o cinto de seguridade. Inspeccionáronse un total de 10 vehículos nos que viaxaban menores obrigados a levar sistemas de retención infantil SRI. Igualmente prestouse especial atención nas inmediacións dos centros escolares para comprobar que os menores utilizan o cinto de seguridade ou os SRI.