AFAL Ferrolterra abre o prazo para anotarse no curso “O enfermo na casa”

A presidenta de AFAL Ferrolterra, Milagres Prieto Gondell, anunciou esta mañá a próxima celebración do curso “O enfermo na casa”. Está dirixido ás familias dos usuarios dos dous centros de día que xestiona a Asociación de Familiares de Enfermos de Alzheimer e outras Demencias (na rúa Río Castro e na antiga Casa do Mar) e a participación nesta ac-ción formativa é completamente gratuíta. Constará de cinco charlas informativas, entre os días 18 e 22 de marzo, en horario de tarde (de 16 a 18 horas), e estará impartido por un equipo interdisciplinar integrado pola logopeda Silvia Loureiro; a psicóloga Sofía Bellón; a terapeuta ocupacional Noelia Ríos e a traballadora social Iria Abad.

Con formación teórica e práctica, pretende mostrar ao coidador actitudes positivas a adoptar en canto-to á alimentación, comunicación, adaptación do fogar, aseo… Ademais, como novidade terapéuti-ca, incluirase un apartado para fomentar a autoestima e guiar as parellas en temas de sexualidade, xa que esta patoloxía afecta a todos os comportamentos do enfermo. Neste último caso, a charla correrá a cargo da psicóloga experta en sexoloxía Angeles Saavedra.

Os familiares interesados en participar tan só deben anotarse na sede da asociación (cale Río Castro, 43-45, baixo Ferrol) ou a través do teléfono 981 370 692.