AFAL amplía a súa carteira de servizos sumando a liña de transporte ao Centro de Día a mediodía

A presidenta de AFAL Ferrolterra, Milagres Prieto Gondell, anunciou esta mañá que a asociación comezará a prestar o servizo de transporte en horario de mediodía. Del poderán beneficiarse os usuarios e usuarias do Centro de Día Terapéutico que xestiona a Asociación de Familiares de Enfermos de Alzheimer e outras demencias na rúa Río Castro, en Ferrol. Segundo Milagres Prieto, a entidade pon en marcha esta medida pensando especialmente nos familiares dos usuarios que asisten a media xornada no centro, xa que deste modo non terán que desprazarse ás instalacións para recoller ou levar aos seus maiores. Deste modo, as persoas interesadas en acceder ao servizo deben solicitalo na sede de AFAL (cale Río Castro, 43-45, baixo) ou ben chamar por teléfono ao número 981 370 692.

Así mesmo, e como vén sendo habitual, AFAL Ferrolterra seguirá prestado o servizo de transporte en horario de mañá e de tarde, ás 10 e ás 19 horas respectivamente.