Trinta e dúas mulleres realizan un curso de fotografía dixital

A Aula CeMIT do Edificio Multiusos acolle, entre hoxe luns e o mércores día 27, unha nova iniciativa destinada ás mulleres e centrada na fotografía dixital.

Trátase de fomentar o desenvolvemento profesional empregando técnicas dixitais no campo da fotografía, mellorando a formación das mulleres participantes para que poidan aproveitar as oportunidades empresariais ofertadas na bisbarra, así como as capacidades para desenvolver as súas propias iniciativas de auto emprego no eido da fotografía dixital.

Un total de trinta e dúas mulleres inscribíronse neste curso que se realiza na Aula CeMIT do Edificio Multiusos, en horario de mañá e tarde e en dous grupos de dezaseis persoas.