publicidade hoxe

Probas de acceso a ciclos formativos de grao medio e superior

PUBLICADO EN: Noticias de GaliciaLocalMeis
A-
A+

A Consellería de Cultura, Educación e Ordenación Universitaria convoca de modo ordinario probas de acceso a ciclos formativos de grao medio e de grao superior de formación profesional en centros docentes sostidos con fondos públicos, para o ano 2013.

– CICLOS FORMATIVOS DE GRAO MEDIO

A solicitude de inscrición para as probas de acceso aos ciclos formativos de grao MEDIO presentarase entre os días 25 de febreiro e o 8 de marzo de 2013, ambos os dous incluídos,  na secretaría de calquera instituto de educación secundaria onde se impartan ciclos formativos de formación profesional ou centros integrados de formación profesional.

As probas de acceso aos ciclos de grao MEDIO terán lugar o día 23 de maio de 2013.

Requisitos de inscrición

  • Quen non cumpra os requisitos académicos  que permitan o acceso directo aos ciclos formativos.
  • Ter cumpridos dezasete anos ou cumprilos no ano natural de celebración da proba.

 – CICLOS FORMATIVOS DE GRAO SUPERIOR

A solicitude de inscrición para as probas de acceso aos ciclos formativos de grao SUPERIOR presentarase entre os días 28 de xaneiro e o 8 de febreiro de 2013, ambos os dous incluídos, na secretaría de calquera instituto de educación se­cundaria onde se impartan ensinanzas de ciclos formativos de formación profesional ou centros integrados de formación profesional.

As probas de acceso aos ciclos de grao SUPERIOR terán lugar o día 25 de abril de 2013.

 Requisitos de inscrición

  • Quen non cumpra os requisitos académicos  que permitan o acceso directo aos ciclos formativos.
  • Ter cumpridos dezanove anos ou cumprilos no ano natural de celebración da proba.  

Para maior información as persoas interesadas informaránse na OMIX no Centro Multiusos (Praza de España, 18 O Mosteiro) en horario de mañá de luns a venres, de 09:00h a 14:00h antes do 8 de febreiro para a inscrición nas probas de acceso a ciclos Superior, e antes do 8 de marzo para as probas de acceso a ciclos Medio.

11 de febreiro de 2013 | 13:03 • Sen comentarios

Comentarios pechados.