Presentación da Arribada en Turexpo

O concello de Baiona presenta en Turexpo Galicia ( Silleda) a décimo oitava edición da Festa da Arribada que se celebrará na Real Vila os próximos 2 e 3 de marzo.

Esta celebración, declarada de Interese Turístico Nacional, conmemora a chegada da carabela Pinta ao porto de Baiona en 1493, capitaneada por Martín Alonso Pinzón tras realizar a súa primeira viaxe a América en compañía da Santa María e da Nena.

Así foi como Baiona se converteu en primeiro porto de Europa que recibiu a nova do Descubrimento. Dende aquí saíron os correos cara á corte para informar os Reis Católicos e ao resto do mundo da transcendental noticia.

A presentación aos medios de comunicación e público en xeral realizarase ás 12:30horas, do sábado 23 de febreiro, no vestíbulo principal do recinto feiral e correrá da concelleira de Cultura, Turismo e Xuventude, María Iglesias Fernández.