Cursos do Plan Integral de Agricultura Ecolóxica

Ti mais que ninguén sabes que Lugo é unha provincia con múltiples posibilidades, o crecemento da agricultura ecolóxica está creando novas oportunidades de emprego.

Si levas tempo dándolle voltas para levar á práctica esa idea que tes en mente, a Deputación de Lugo intentará axudarche a facela realidade co Plan Integral de Agricultura Ecolóxica, unha iniciativa de formación e asesoramento técnico especializado para que os lucenses creen ou reconvertan empresas vinculadas á agricultura ecolóxica.

Este Plan nace no marco de Lugo2 Provincial e ten como ámbito de actuación o sur da provincia de Lugo.

Intenta apoiar o desenvolvemento económico do sector en Lugo, promocionar a actividade agrícola da provincia, así coma fomentar o consumo dos alimentos ecolóxicos. Desta forma preténdese poñer en valor o sector agrícola lucense, favorecendo a unión e a cooperación dos compoñentes que o integran e facendo fincapé nas súas fortalezas e oportunidades.

O proxecto Lugo2 Provincial está cofinanciado nun 80% polos fondos FEDER e ten como obxectivo principal o desenvolvemento da provincia de Lugo a través da posta en valor dos recursos naturais dispoñibles, a sensibilización ambiental de habitantes e visitantes, a mellora da eficiencia enerxética e a busca dun modelo económico sostible dende o punto de vista ambiental.

Podes obter máis información en:

Teléfono: 982.881.878

Correo electrónico: piagricultura@deputacionlugo.org

Web: www.planintegralagricola.info

A inscrición aos cursos comezará o 25 de febreiro e a selección será en rigorosa orde de recepción.

Axuntamos ficha de inscrición que deberá ser remitida por correo electrónico a partir de dita data e que tamén a poderán atopar na páxina web indicada anteriormente que estará dispoñible a partir do 25 de febreiro. Ditos cursos son totalmente gratuítos para os alumnos. Tampouco se lle aboará aos alumnos os posibles gastos nos que incorran por asistir aos cursos.