A Deputación aportará 80.000 euros para o campo de fútbol de Gallamonde

Sinatura do convenio

O presidente da Deputación da Coruña, Diego Calvo, asinou co alcalde de Miño, Jesús Veiga, o convenio de colaboración que formaliza a axuda para as obras de acondicionamento do entorno do campo de fútbol de Gallamonde.

A institución provincial aportará para esta actuación un total de 78.268 euros, o que supón o 80% do orzamento que ascende a un total de 97.834,88 euros.

As actuacións incluídas neste acordo permitirán aglomerar todo o entorno da área deportiva e mellorar o estado dos accesos. Jesús Veiga  agradeceu ao presidente o seu apoio “para que Gallamonde teña un entorno á altura da calidade do seu campo de fútbol” e recordou que é unha obra “moi demandada”.

E que estas instalacións son utilizadas cada día. Entre os usuarios diarios do campo hai máis de 120 rapaces que pertencen ás categorías inferiores do Club Deportivo Miño.