Presentado o calendario galego de Ponteareas 2013

O alcalde de Ponteareas, Salvador González Solla, e o concelleiro de Cultura, Andrés Sampedro Fernández, presentaron o pasado día 14 de decembro, ás 20:30 horas, no salón de Plenos da Casa do Concello, o Calendario Galego de Ponteareas, ano 2013.

O Concello de Ponteareas segue apostando pola difusión do patrimonio a través de fotografías de Ponteareas que ilustran os doce meses do ano e nos que se recolle visualmente parte da nosa historia como vila. Deste xeito, o Concello de Ponteareas deséxalles un feliz ano aos seus veciños e veciñas, agasallándoos novamente co Calendario Galego de Ponteareas. Ademais de poder recoller o exemplar o día da presentación, estará á disposición dos veciños de xeito totalmente gratuíto na Casa do Concello.