Contacontos sobre a obra teatral “Merlín”

A concellería de Cultura organizou, dentro da programación de actividades con motivo das festas de Nadal, a actuación da compañía de teatro “Os Quinquilláns”, que poñerán en escena a obra “Merlín”.

Esta obra de teatro infantil poderase ver o día 27 de decembro, ás seis da tarde no Edificio Multiusos, sendo o prezo da entrada de 3 euros.

Coa finalidade de promover esta actuación, integrantes da compañía “Os Quinquilláns” percorrerán os colexios de primaria de Monforte realizando sesións de contacontos relacionadas coa temática da obra “Merlín”.

As contadas de “Os Quinquilláns” levaranse a cabo este mércores día 19 de decembro nos colexios Ferroviario, CEIP Monforte e Fundación Torre de Lemos, mentres que o xoves día 20 será a quenda dos colexios A Gándara e Escolapios.