Adestramentos do Club Ourense Baloncesto en Verín

Durante os vindeiros días 29, 30, 31 de decembro, 2 e 3 de xaneiro, os xogadores do Club Ourense Baloncesto (COB) desprazaranse ata Verín para realizar as súas respectivas xornadas de adestramento en pista no complexo deportivo de A Granxa.

Esta actividade, organizada grazas ao convenio de colaboración entre o COB e o Concello de Verín, permitirá achegar aos/ás alumnos/as dos centros educativos do municipio, e tamén aos/ás menores que se atopen na localidade durante estas datas de Nadal, a oportunidade de poder contemplar in situ unha sesión profesional de educación física do principal equipo de baloncesto na provincia de Ourense.

O horario de devanditas xornadas de adestramento será de 18 a 20 horas (29, 30, 31 de decembro e 2 de xaneiro) e de 10.30 a 12.30 horas o vindeiro 3 de xaneiro.