A Orella Verde pon fin ó trimestre en Radio Allariz

Radio Allariz emite o vindeiro xoves 20 de decembro ás 11:30h un novo programa da Escola de Familias “A Orella Verde” onde os participantes comparten, de xeito lúdico e formativo, a información precisa para aquelas persoas interesadas que non poden acudir de xeito habitual ás clases.

Este xoves os alumn@s da Escola de Familias fan un percorrido do primeiro trimestre de andanza a través de entrevistas,música e debate sobre os temas abordados.

Durante o próximo trimestre seguirán as actividades, os martes ás 18:30h no Fogar dos Maiores.

A Escola de Familias “A Orella Verde”

Hai anos xorde en Allariz unha nova escola chamada A Orella Verde. Trátase dunha escola na que os alumnos son os pais e nais e as leccións refírense á forma de selo.

Esta escola realiza reunións semanais nas dependenzas do Fogar dos Maiores, nas que a través do debate grupal, os participantes intercambian información formando redes de apoio entre as familias.

Se alguén está interesado/a en participar e ser membro desta escola pode anotarse e pedir información na dirección: Dependencias dos Servizos Sociais Comunitarios – Fogar dos Maiores. Teléfono : 988 55 40 59.