Morren calcinados dous porcos no incendio declarado nunha corte en San Cristovo de Cea

Dous porcos morreron calcinados nun incendio declarado no interior dunha corte na madrugada deste venres no termo municipal de San Cristovo de Cea (Ourense).

Segundo informou o 112 Galicia, o suceso aconteceu pouco antes da 1,00 horas deste venres no lugar de Faramontaos, no municipio ourensano de San Cristovo de Cea.

A corte estaba pegada a unha casa que, segundo indicaron membros do servizo de Protección Civil do Carballiño, se salvou das lapas e apenas sufriu danos. Se ben ningún veciño resultou afectado, a corte ardeu por completo e morreron os animais que gardaban dentro.

Un particular alertou ao persoal do 112 Galicia que, á súa vez, informou ás autoridades locais, aos axentes da Guardia Civil e aos membros do servizo de Protección Civil do Carballiño.