publicidade hoxe
Publicidade
omeulibro1

Comisan 785 quilos de vieira extraída de forma ilegal

PUBLICADO EN: Noticias de GaliciaLocal PortadaTeo
A-
A+
Europa Press

Axentes do Servizo de Gardacostas de Galicia e da Garda Civil de Tráfico comisaron na madrugada deste martes un total de 785 quilos de vieira extraída de forma ilegal nun control realizado nunha área de servizo da AP-9 en Teo (A Coruña).

Na operación, os axentes da Garda Civil pararon unha furgoneta e, tras inspeccionala e identificar ao condutor, comprobaron que a mercadoría que transportaba carecía de documentación que acreditase a correcta extracción deste molusco.

Inmediatamente foron requiridos os servizos dos axentes de Gardacostas, que levantaron acta, comisaron a mercadoría e incautáronse do vehículo.

Así mesmo, enviaron mostras de vieira ao Instituto Tecnolóxico para o Control do Medio Mariño, que realizará análise para comprobar o seu nivel de toxicidade. No caso de que supere os límites permitidos, o xulgado abrirá expediente á persoa identificada por un delito contra a saúde pública.

29 de novembro de 2016 | 16:35 • Sen comentarios

Comentarios pechados.