Manuel Iglesias Pérez tomará posesión como concelleiro na Corporación de Silleda este mércores

A Corporación Municipal de Silleda celebra mañá mércores ás 10:00 horas un Pleno Extraordinario no que se abordará a liquidación da débeda con Espina y Delfín. Tamén se acordará a rescisión do contrato con esta empresa dende xaneiro de 2017. Tamén se propón dende o goberno municipal que o Concello asuma directamente a xestión do abastecemento.

A orde do día desta sesión extraordinaria inclúe ademais a toma de posesión de Manuel Iglesias Pérez, novo concelleiro do grupo de goberno (PSOE), logo da renuncia de Aida Castro que por motivos laborais se trasladou a vivir a París. A credencial de Iglesias Pérez, coñecido como Casagrande, foi remitida en días pasados ao Concello de Silleda.