publicidade hoxe
Publicidade
omeulibro1

Milladoiro, Susana Seivane, Doolin e Fullset encabezan o XXXII Festival de Ortigueira

PUBLICADO EN: Noticias de GaliciaAxenda e CulturaLocal PortadaOrtigueira
A-
A+
Europa Press

O municipio de Ortigueira (A Coruña) celebrará do 14 ao 17 de xullo o seu XXXII Festival de Folk nunha edición que contará con Milladoiro, Susana Seivane, Doolin, Fullset e The Peatbog Fairies, entre outros grupos.

A edición deste ano, que foi presentada este mércores, incluirá na súa programación novas actividades, así como a edición especial dun DVD con material inédito.

O alcalde de Ortigueira, Juan Penabad; o vicepresidente da Deputación coruñesa, Goretti Sanmartín, o delegado territorial da Xunta na Coruña, Diego Calvo, e o coordinador do festival, Alberto Balboa, foron os encargados de presentar o festival.

Segundo expuxeron, contará coa presenza de “músicos do primeira nivel a nivel internacional”. No festival, estes músicos compartirán escenario con Susana Seivane, The Peatbog Faeries, Fullset, Mànran ou Milladorio.

Así mesmo, Milladoiro será o protagonista dun DVD no que se inclúe un concerto completo seu e que se completará con imaxes inéditas e históricas do festival, “que fará as delicias dos incondicionais” asegurou Alberto Balboa.

TALLERES DE DANZAS

O festival inclúe a recuperación dos concertos do domingo noite, a creación de talleres de danzas tradicionais galegas e irlandesas e talleres de fotografía, entre outras actividades.

Pola súa banda, Juan Penabad destacou que “os concertos que terán lugar no teatro da Beneficencia e noutros espazos, farán de Ortigueira un escenario único para escoitar todo tipo de música celta e gozar de cultura de diversos países”.

Outro dos aspectos do festival será á aposta por novos talentos musicais a través do proxecto ‘Runas’. Ademais, na presentación desta edición, os asistentes subliñaron que o festival supón unha “manifestación de valores culturais e de tradicións populares”.

Así o sinalou o delegado territorial da Xunta, Diego Calvo. Mentres, Goretti Sanmartín remarcou que este festival supón un elemento de dinamización dende o punto de vista cultural e do comercio. Sobre o festival, Alberto Balboa, indicou tamén que crece o número de bandas galegas, ao tempo que destacou a presenza de grupos irlandeses, bretóns e escoceses.

PROGRAMACIÓN

De tal forma, os concertos arrancarán o 14 de xullo nunha xornada que contará co grupo galego Queiman e Pousa e os finalistas do proxecto ‘Runas’.

O 15 de xullo, venres, será a quenda dos escoceses The Peatbog Fairies, os irlandeses Dominic Graham School of Irish Dance, así como os galegos Alén de Ancos e a Escola de Gaitas de Ortigueira.

O sábado, 16 de xullo, o prato forte do festival pasará ademais de por Susana Seivane por Doolin (Bretaña), Fullset (Irlanda) e Bagad Bro Deger (Bretaña).

O peche do festival correrá a cargo de Milladoiro o 17 de xullo, domingo, nun día no que estarán Mànran (Escocia) e a Banda de Gaitas de Xarabal.

8 de xuño de 2016 | 16:20 • Sen comentarios

Comentarios pechados.