As entradas para ver Niños Mutantes, Andrés Suárez, Sidonie e Iván Ferreiro en Santiago esgótanse en 48 horas

O ciclo de concertos ‘Cómplices de Mahou’ esgotou as súas entradas en menos de 48 horas. A empresa cervexeira repite por segunda vez concertos en Galicia. Para esta edición presenta catro concertos do sete ao dez de xuño en Santiago.

As actuacións contan con dous artistas por noite e os nomes invitados son: Zahara e Niños Mutantes, Andrés Suárez e Sara Ráez, Sidonie xunto a Mucho e Leiva e Iván Ferreiro, o venres 10. É este último grupo de artistas o que menos tempo necesitou para completar o auditorio, pois os pases se esgotaron en cuestión de minutos.

A situación elixida é a Sala Malatesta de Compostela. Ademais das actuacións, os artistas brindarán a oportunidade aos asistentes de coñecer as súas anécdotas e vivencias íntimas despois dos concertos.

As salas contarán con fotógrafos propios que sacarán ‘polaroids’ dos concertos e que regalarán posteriormente ao público. Tal e como sinala a campaña da marca para este ano, trátase de invitar a todos aqueles que “teñen unha Mahou pendente”.