Fernández de Aranguiz: “A subministración previa do medicamento a Asunta require dunha explicación suficiente que non se deu”

O fiscal da causa sobre a morte da nena Asunta Basterra, Jorge Fernández de Aranguiz, reiterou este xoves, no trámite de informe dos feitos do seu parte, que a vítima foi asasinada segundo un plan “acordado” entre os pais e lembrou que “en dereito tan asasino é quen dispara o fusil como quen agarra”.

Ante o xurado puxo de relevancia as “mentiras” de Rosario Porto e a sedación á que foi sometida Asunta tanto o día da súa morte como nos meses anteriores, algo que non puideron explicar os pais. “A subministración previa do medicamento require dunha explicación suficiente que, de momento, non se deu”, sentenciou.

Aínda que recoñeceu que non se pode condenar polo silencio” de alguén, Fernández de Aranguiz sinalou que cando hai a “carga probatoria” deste caso “é exixible pedir explicacións” e puxo de relevancia a “unidade concordada” das defensas e dos acusados que mesmo se lanzaron gabanzas entre eles”. “Eu non sei se isto se vai a manter até o final”, apuntou.

Para o fiscal, Asunta estaba en compañía da súa nai -“e non descarto que do seu pai”- cando as asfixian segundo un “acordo” entre os acusados. “Matárona aproveitando que non podía defenderse”, destacou, lembrando que lle deron “de 27 pastillas para arriba” coa intención de “matala”. Ademais, indicou, “déronllas cando estaba en compañía de ambos” e drogárona varias veces” con anterioridade.

De forma paralela, fixo fincapé en que Rosario Porto “mentiu sobre o que fixera esa tarde”, a nena non foi agredida sexualmente e non “hai evidencia da participación dunha terceira persoa” a pesar dos intentos das defensas de “desviar a atención”.