Chegan aos xulgados de Santiago Rosario Porto e Alfonso Basterra

Chegada aos xulgados de Rosario Porto e Alfonso Basterra

Rosario Porto e Alfonso Basterra chegaron aos xulgados de Santiago ás 9,15 horas deste mércores para asistir á xornada na que as distintas partes presentarán alegacións e proporán probas no xuízo que trata de esclarecer a morte violenta da súa filla adoptiva, Asunta Basterra Porto.

Un cuarto de hora antes do comezo desta segunda xornada do xuízo accederon ao edificio xudicial, polo aparcadoiro situado baixo a porta principal do mesmo, un coche e un furgón da Garda Civil. Ambos saíron do cárcere de Teixeiro, en Curtis (A Coruña), ás 8,20 horas.

Á súa chegada aos xulgados unha media hora antes, o avogado de Rosario Porto, José Luís Gutiérrez Aranguren, destacou que esta xornada, a segunda do xuízo tras a constitución este martes do xurado, “trátase de explicar en palabras inteligibles” os escritos de cualificación.

Preguntado pola nova proba que xa anunciou este martes que presentaría, sinalou que achegará un documento “que se quedou no tinteiro”. Ademais, indicou que non a súa “intención” pedir a nulidade do proceso.

Sobre a súa defendida, apuntou que a viu “máis animada” o domingo, posto que nunha conversación telefónica mantida este martes notouna, dixo, “cun pouco peor ánimo”.