publicidade hoxe
Publicidade
omeulibro1

Investigan as pintadas na inmobiliaria do parricida de Moraña

PUBLICADO EN: Noticias de GaliciaLocal PortadaMorañaSucesos
A-
A+
Europa Press

A Policía Local de Caldas (Pontevedra) iniciou unha investigación para tratar de esclarecer a orixe das pintadas que apareceron no exterior da inmobiliaria que rexenta o presunto parricida de Moraña (Pontevedra), David O. R., que o sábado foi enviado a prisión imputado polo asasinato das súas dúas fillas.

Segundo indicou a Policía Local, hai en marcha unha investigación sobre estas pintadas que apareceron o domingo no local, que permanece pechado por iniciativa dos seus donos, pero recoñeceu que, polo menos de momento, “non hai ningunha información nin testemuñas”.

Así mesmo, aseverou que a pesar destas pintadas, que en cor vermella expresan “asasino”, e aos instantes de tensión vividos este sábado ás portas dos xulgados, na localidade a xente permanece “en calma” e, aínda que está “indignada” polo crime, estimou que non haberá outros incidentes.

Pola súa banda, o alcalde de Caldas, Juan Manuel Rey, que considerou que este “acto de vandalismo” é froito da “rabia”, informou de que, ademais da investigación, a Policía Local ten orde de realizar vixilancia e observacións para evitar calquera outro acto similar e chamou á calma e a esperar a que o caso se resolva no xulgado”.

Rey manifestou que estas pintadas non teñen “maior transcendencia” e son “reaccións entendibles”, pero remarcou que en todo caso “non están ben”. “Isto é un estado de dereito, a Xustiza ten os seus propios mecanismos, e a partir de aí todo o demais sobra”, apostilou.

Cuestionado acerca de se teme que se poidan producir novas situacións de conflito no negocio do detido ou cara aos seus familiares -a inmobiliaria rexéntaa xunto á súa irmá-, o rexedor sinalou que “por iso as observacións”, aínda que asegurou que non lle consta que os achegados do home reciban “ameazas”.

FALSO LUME NA CASA DO CRIME

Doutra banda, unha falsa alarma por un incendio na vivenda do parricida, na que supostamente ocorreron os asasinatos das dúas nenas, mobilizou a última hora da tarde deste domingo a efectivos da Garda Civil e de Protección Civil de Moraña.

Tal e como comunicaron fontes de Protección Civil, sobre as 21,00 horas deste domingo varios veciños “puxéronse nerviosos” e deron o aviso porque saía fume da casa de David O.R., que desde o venres atópase precintada.

Por este motivo trasladáronse até o lugar voluntarios de Protección Civil e axentes da Garda Civil, que ratificaron que se trataba dunha falsa alarma, e que o fume se produciu por unha caldeira de pellets programada para activarse automaticamente.

3 de agosto de 2015 | 13:42 • Sen comentarios

Comentarios pechados.