publicidade hoxe
Publicidade
omeulibro1

Rescatan en Redondela a un condutor atrapado no seu turismo tras unha colisión

PUBLICADO EN: Noticias de GaliciaCamariñasRedondelaSucesos
A-
A+
Europa Press

Membros do servizo municipal de emerxencias de Redondela (Pontevedra) rescataron ao condutor dun turismo que quedou atrapado despois de chocar contra outro coche na N-552, segundo informa o 112. As testemuñas do accidente aseguraron que a persoa estaba ferida de gravidade. Así, o persoal do 112 pediu de inmediato a colaboración dos servizos sanitarios de urxencia, que trasladaron ao ferido ao centro hospitalario de referencia.

Ninguén máis sufriu danos, segundo confirmou Urxencias Médicas. O 112 rexistrou o sinistro ás 16,20 horas grazas ás chamadas de varios particulares. Ademais dos efectivos de emerxencias da localidade e os servizos sanitarios de urxencia, o centro de atención ás emerxencias pasou aviso á Garda Civil de Tráfico.

CAMARIÑAS

Por outra banda, en Camariñas (A Coruña) foi rescatado outro condutor que tiña dificultades para saír do vehículo despois de envorcar no lugar de Dor. Tras recibir a alerta ás 12,35 horas, o persoal do 112 informou aos bombeiros de Cee, que regresaron en canto os membros de Protección Civil da localidade confirmaron que lograran sacar ao condutor polo teito do coche. A Garda Civil de Tráfico e Urxencias Médicas tamén foron avisados.

20 de xullo de 2015 | 20:07 • Sen comentarios

Comentarios pechados.