Continúan as actividades de verán en Soutomaior
As actividades de verán do Concello de Soutomaior onde participan 376 nenos desde o 1 de xullo entra xa na súa semana final. Este fin de semana (venres, sábado e domingo) os grupos D e E gozan da acampada que este ano é á beira da Casa do Pobo de Lourido.
Dentro xa da última semana os grupos dos máis pequenos A,B e C terán a oportunidade de iniciar os seus primeiros contactos coa hípica e desprazaranse á Hípica Amazonas o luns e martes e á súa vez o xoves haberá unha actividade de contacontos con “O galo Manolo” na casa da cultura de Soutomaior.
O grupo C (8,9,10 anos) desprazarase tamén á hípica o venres terá unha actividade titulada ”A volta ao mundo” unha gimkana que percorrerá de maneira virtual Exipto, Xapón e Hawai.
O Grupo D desprazarase durante todo o día ao parque acuático “Aquapark” .
O grupo dos maiores “E” de 12,13,14 e 15 anos, empezase a semana con “Xeocaching” unha proba de orientación por medio de compases e dun programa que se descarga no móbil.
O venres este mesmo grupo realizase unha gimkana tenebrosa no Castelo de Soutomaior.
Como peche a estas actividades de verán, o sábado día 1 a partir das 21,30 horas no Peirao de Arcade terá lugar o Festival de Clausura onde a compañía MDM teatro porá no escenario a comedia infantil “Trufaldino, servidor de dous amos”.
Como remate final proxectarase un vídeo resumen das actividades e entregáseselles aos participantes un recordo das mesmas.