Recuperan preto dunha vivenda de Vigo unha serpe de máis dun metro

Serpe recuperada

Axentes da Unidade Ambiental de Intervención Rural (UMIR) da Policía Local de Vigo recuperaron unha culebra bastarda que fora localizada nun campo próximo a unha vivenda habitada.

Segundo trasladou a Policía, a central recibiu un aviso sobre as 12,15 horas deste martes do propietario dunha vivenda situada no camiño da Simona, na parroquia viguesa de Valadares, onde atopara unha serpe.

Unha vez alí, coas indicacións do dono, localizaron e capturaron ao animal nun campo próximo á vivenda. Trátase dunha culebra bastarda de 1,25 metros de lonxitude, que foi devolta ao seu hábitat natural.

Nos últimos días, a UMIR da Policía Local de Vigo tamén retirou unha culebra de escaleira dun domicilio da estrada de Camposancos; liberou un morcego que fora localizado no cuarto de baño dunha vivenda da rúa José Franco; e rescatou un birrio ferido, que foi trasladado ao Centro de Recuperación de Cotorredondo.