A praia de Caranza permanece pechada ao baño debido a un vertido na zona de Barallobre

O servizo de vixilancia de praias e socorrismo de Ferrol informa do peche temporal ao baño da praia de Caranza. O motivo desta medida é a presenza dun vertido en Barallobre do que foi informado a Policía Local de Ferrol a través do Servizo de Emerxencias 112.

Ante esta advertencia e por motivos de precaución decidiuse pechar hoxe ao baño a praia de Caranza, medida que se levantará no momento en que a seguridade para os bañistas estea garantida ao cento por cento.