Caldas de Reis desenvolveu un curso de formación en prevención e manexo de maquinaria de xardinería
O pasado martes o Concello de Caldas de Reis desenvolveu un curso de formación en prevención e manexo de maquinaria de xardinería para alcanzar a máxima productividade, perseguindo o obxectivo de cero accidentes.
Este curso estivo dirixido aos operarios do servizo de mantemento do concello e foi impartido de forma gratuita por a firma Motos Calvelo, S.L. distribuidor oficial das marcas STIHL e VIKING.
Os asistentes tiveron unha parte teórica nas aulas da escola taller e unha parte práctica que se impartiu no parque-xardín.
O obxectivo deste curso foi facilitar os coñecementos necesarios para traballar con seguridade, realizar os labores de mantemento diarias a cada maquina, mellorar as técnicas de traballo, coa finalidade de conseguir unha maior eficacia na súa labor diaria e promover hábitos saudables, actitudes e comportamentos seguros, a través de:
. a adopción de posturas correctas durante o desenvolvemento das tarefas.
. o uso eficaz de equipos de traballo (ferramentas e maquinaria)
. a concienciación sobre a importancia do uso de equipos de protección individual (EPI´s)
. a posta en práctica de métodos de traballo seguros
Os operarios ademais realizaron prácticas con rozadoras, motoserras, cortasetos, cortacésped, sopradores, e diferentes utensilios para apeo de árbores.