O Servizo de Asesoramento a Emprendedores de Oleiros bateu récord de actividade o pasado ano

O Servizo de Asesoramento a Emprendedores da Axencia de Desenvolvemento Local, que está situada no Centro Municipal de Formación Isaac Díaz Pardo bateu o récord de asesoramento o pasado ano, segundo sinalaron os técnicos municipais. En total foron asesoradas 184 iniciativas empresariais. O 83%, destas, pertencían a veciños de Oleiros e o resto a persoas de fóra do municipio. Ao longo de 2013 viron a luz un total de 43 empresas grazas a este servizo municipal. En total nestas empresas creáronse 62 postos de traballo. A Axencia de Desenvolvemento é unha iniciativa do Goberno local de Alternativa para combater o desemprego dos Veciños e traballa ao longo deste exercicio para marcar un novo récord de asesoramentos e xeración de emprego e a estas alturas do ano o dato de asesoramentos é similar ao do pasado exercicio.