As Pontes celebra un torneo de pádel X3

A cita deportiva desputarase tanto en categoría masculina coma feminina e mixta e conta co respaldo do departamento municipal de Deportes.

O Concello de As Pontes volverá albergar nuns días a xiareiros do deporte do pádel de toda a comarca e é que, por terceiro ano consecutivo, as pistas da Canle IV acollerán o Torneo X3, unha cita xa clásica no mes de setembro que se consolida ano tras ano e que volverá demostrar o gran atractivo desta modalidade deportiva non só no municipio, senón tamén entre os concellos da contorna.

A competición desenvolverase entre os días 8 e 15 de setembro, nas categorías de 2ª, 3ª e 4ª Masculina; 2ª e 3ª Feminina e 2ª e 3ª Mixta, ademáis de en Primeira Masculina; o máximo de parellas será de 16 por categoría e garantiranse un mínino de 2 partidos por parella anotada e conta co respaldo do executivo local, mediante a concellería de Deportes.

O prezo das inscricións é de 15 euros por categoría e de 25 euros se se trata de dúas categorías sendo necesario anotarse denantes do 5 de setembro, telefonando ao 689 294 963 e 677 643 766, mediante a páxina mistorneosonline.com ou no espazo de Facebook adicado a este torneo.

Con respecto aos premios, está previsto que se repartan premios económicos de ata 250 euros, para as parellas de Primeira, namentras que o resto de xogadores poderán competir por vales de compra en material deportivo por valor de ata 160 euros e material deportivo.

O departamento municipal de deportes xunto co clube Padel Eume Matojoma, La Voz de Galicia, Seguros Matojoma, Optica Carmela, Nexo Veterinarios, Gegúndez Sport, Lecar, Grafigal, María Barcia, Coca Cocal, Deportes Equipa, Huso 29, Talos, A Fundación e Galiorient e  Montero serán os encargados de patrocinar esta cita deportiva.